Saltar al contenido

Publicador de contenidos

Atrás

A CONSELLERÍA DO MAR ANALIZARÁ A PROPOSTA MUNICIPAL DE HABILITAR UN EMBARCADOIRO PARA PASAXE NO PEIRAO DE RIANXO

Santiago de Compostela, 8 de marzo de 2021.- A conselleira do Mar, Rosa Quintana, e a presidenta de Portos de Galicia, Susana Lenguas, mantiveron esta mañá unha reunión co alcalde de Rianxo na que avaliaron a viabilidade de habilitar un punto de embarque para pasaxeiros no peirao de Rianxo. As representantes do Executivo galego instaron ao Concello a presentar unha proposta de zona de atracada que recolla os requisitos necesarios en materia de seguridade do tránsito peonil polo peirao e as actuacións de sinalización requiridas. Unha vez recibida dita proposta, explicaron, o equipo técnico de Portos de Galicia avaliará a súa viabilidade toda vez que se teña formalizado o interese por parte dalgunha navieira na prestación deste servizo.