En Santiago de Compostela, sendo as 10:00 horas do día 11 de xuño de 2020, reúnese a Comisión Permanente de Portos de Galicia correspondente ao proceso de elaboración dunha lista de contratación temporal na categoría profesional de celador/a gardapeiraos nomeada por resolución da Presidenta de Portos de Galicia o 8 de xaneiro de 2020.

En ningún dos membros da Comisión Permanente concorren causas de abstención das previstas no artigo 23 da Lei 40/2015, de 1 de outubro, de Réxime Xurídico do Sector Público, nin algunha das circunstancias previstas no artigo 59.2 da Lei 2/2015, de 29 de abril, de Emprego Público de Galicia.

O motivo da xuntanza é examinar as solicitudes presentadas coa finalidade de comprobar a concorrencia dos requisitos esixidos e valorar os méritos alegados polas persoas interesadas e aprobar a lista provisional dos solicitantes admitidos coa puntuación provisional e dos solicitantes excluídos con expresión da causa de exclusión.

Os acordos adoptados son os seguintes:

Primeiro.- Aprobar a lista provisional dos solicitantes admitidos e dos solicitantes excluídos coa puntuación provisional e coa expresión da causa de exclusión no caso dos solicitantes provisionalmente excluídos.

Segundo.- Facer pública na páxina web www.portosdegalicia.es e no taboleiro de anuncios da entidade pública a lista provisional dos/as solicitantes admitidos coa puntuación provisional, e dos/as solicitantes excluídos coa puntuación provisional e con expresión da causa de exclusión.