A Presidencia de Portos de Galicia acorda o 30 de setembro do 2025 o inicio de trámite e se somete a información pública a solicitude de concesión administrativa presentada pola Confraría de Pescadores de Cedeira con destino á ocupación de conxunto de edificios para departamentos de pesca no porto de Cedeira (expediente 12-04-25-C-2), de acordo coa solicitude presentada polo concesionario.

En cumprimento do disposto no artigo 70.2 da Lei 6/2017, do 12 de decembro, de portos de Galicia, faise público este trámite, para que as persoas e entidades interesadas poidan examinar o expediente e presentar por escrito as alegacións que consideren oportunas, por vía electrónica, a través da sede electrónica da Xunta de Galicia empregando o procedemento xenérico PR004A, e preferentemente por vía electrónica se se trata dun suxeito non obrigado.

Debido a que a ocupación solicitada excede de 2.500 m2, en aplicación do artigo 68.2.c) da Lei 6/2017 de portos de Galicia, ábrese a posibilidade de que se presenten outras solicitudes en competencia cos mesmos requisitos establecidos para unha solicitude de concesión, que afecte ao mesmo espazo e co mesmo ou distinto obxecto.

O prazo para presentar alegacións ou solicitudes en competencia será de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está a disposición na ruta web www.portosdegalicia.gal > Comunicacións e avisos > Procesos de información pública.

Lugo, 2 de outubro de 2025
Antonio López Fernández

Xefe da Zona Norte de Portos de Galicia